Dear Gelai,
Siguro ngayon napapaisip ka, bakit kaya ako binigyan ng mokong na yun ng sulat? Love leter ba ‘to o suicide note? Ako sa totoo lang, di ko alam. Baka parehas. Love letter kasi wala naman ibang laman ang sulat na ‘to maliban sa bagay na alam mo na. Na mahal na mahal kita. Suicide note kasi di ko alam kung paano mo tatanggapin ang pagtatapat ko sayo. Natatakot ako na kamatayan na ‘to, ng kung ano mang namamagitan satin na ang tagal-tagal ko nang pinagpapagurang itayo. Sana hindi naman.
Hindi ko alam kung maiintindihan mo pero lumalaban rin lang ako sa kung anong mahalaga para sakin. Ikaw yun. At ang nararamdaman ko para sayo.
Alam mo sa URCC, ang pakikipaglaban puno lagi ng dugo at mga sugat. Pero may laban pala na kahit walang dugo mas masakit, mas nakamamatay. Yung laban na walang nakakakita, walang nanonood. Pero yun ang laban na sinusuong ko araw-araw kapag nakikita kita. At kahit mamatay ako ng ilang milyong beses para sayo, masaya kong gagawin yun. Kasi Gelai, sa laban na yun nararamdaman ko na buhay ako. Buhay ako para sa pagmamahal. Ang baduy man pakinggan pero dun ako sa totoo lang.
Bahala na. Pag lumalaban ka naman, gagawin mo lahat para manalo diba?
-Caloy
*The letter above came from the series "Magkaribal". It's so painful and emotional that I have to repost it.
***
winner to!
ReplyDelete